प्युठानमा कार दुर्घटना हुँदा आठ जना गम्भीर घाइते

दाङ । प्युठानमा कार दुर्घटना हुँदा आठ जना गम्भीर घाइते भएका छन् । सोमबार स्वार्गद्वारी मन्दिरमा दर्शन गरी फर्किएको लु १ च ६३४५ नं. को कार स्वर्गद्वारी नगरपालिका- ४ उपल्लो भिङ्रीमा दुर्घटना भएको हो।

कार सडकको घुम्तीबाट खसेको हो । कारमा सवार २ पुरुष, २ महिला र ४ जना बालबालिका सहित ८ जना गम्भीर घाइते भएको इलाका प्रहरी कार्यालय भिग्रीले जनाएको छ ।

उनीहरूको उपचारको लागि प्युठान अस्पतालमा पठाइएको छ।