ललिता निवास प्रकरणमा थप २ जना पक्राउ
नमुनापत्र संवाददाता२६ असार २०८०, मंगलवार १३:२८
काठमाडौं । ललिता निवासको सरकारी जग्गा प्रकरणमा जोडिएका थप २ जनालाई प्रहरीले पक्राउ गरेको छ। प्रहरीले मंगलबार तत्कालीन मालपोत कार्यालयका नायव सुब्बा योगराज पौडेल र खरिदार नारायणदास मिश्रलाई पक्राउ गरेको हो।
उनीहरूलाई काठमाडौंबाट पक्राउ गरिएको सीआईबीका एसएसपी दिनेश आचार्यले जानकारी दिए।
यससँगै उक्त प्रकरणमा पक्राउ पर्नेको संख्या १२ जना पुगेको छ।
